Akèy / Atik / AYITI/ ENSEKIRITE: MACHIN ENSEKIRITE A PÈDI FREN TOUT BON VRE NAN MATISAN…

AYITI/ ENSEKIRITE: MACHIN ENSEKIRITE A PÈDI FREN TOUT BON VRE NAN MATISAN…

Nan moman an, malgre nou nan fen lane, zak banditis yo pa janm sispann. Malgre asirans nèg ak zam yo te bay Popilasyon an, ke yo ka travèse MATISAN san pwoblèm pandan sezon Nwèl la, ebyen se te pèlen nèg yo te pare tann pou moun yo.

Jounen 27 desanm 2021 an, aksyon nèg yo fè sou yon ti bus ki fè trajè MATISAN – KAFOU pwouve ke MATISAN se yon vale lanmò tout bon. Okenn moun pat epanye anba bal nèg yo. Pami viktim yo pou pi piti 4 moun mouri sou plas, san konte sa ki blese ki sou kabann lopital ap pran swen.

Imaj yo chokan, yon sitiyasyon ki bay gwo perèz ak pèp ayisyen an. Malgre tout sa, dirijan plastik yo, defakto, granmanjè, ak sila yo ki konsène de sekirite pèp rete bouch fèmen pandan ke yo te di yo mobilize 11 mil polisye pou bay Popilasyon an sekirite pandan sezon nwèl la. Nap mande kote polisye sa yo pase? Pou yo livre pèp la bay gang pou kontinye fè san pèp la koule.

Ayisyen ini nou poun bay tèt nou sekirite anba men konplotè sa yo.

PrèsTravayè

Apwopo Près Travayè

Ou ka gade tou

AYITI/KIDNAPPING : KIDNAPIN NAN RIVE NAN SOU PREZIDAN TI RÈS SENA. TWA NAN AJAN SEKIRITE JOSEPH LAMBERT ANTRE ANBA LAPAT BANDI…

Bandi ak zam ki poko idantifye detounen machin sekirite Prezidan Rès Sena , JOSEPH LAMBERT …