Akèy / Ptra / PTRA ADRESE LI AK TOUT MILITAN NAN YON NÒT POU LAPRÈS.

PTRA ADRESE LI AK TOUT MILITAN NAN YON NÒT POU LAPRÈS.

Sekretarya jeneral Pati Travayè Revolisyonè Ayisyen ( PTRA) salye kouraj ak detèminasyon militan baz ki te leve kanpe kont tout rat do kale, opòtis, reyaksyonè politik ki pat jennen lè yo moutre yo prè pou al pran pouvwa nan nenpòt kondisyon, sitou lèn sonje kantite militan pouvwa tèt kale a te asasinen nan Peyi a depi lè ekip klinntonn lan, pou pwòp enterè yo te itilize loni, OEA pou te mete nan lane 2010-2011 rejim tèt kale a, paske kandida tèt kale a te pwomèt bill klinntonn si li prezidan li pap pouwswiv li pou lajan CIRH la ke bill Klinntonn ak Jan Max Bèlriv te finn dechèpiye.

PTRA ap di bwavo pou kamarad ki te di non pou fason kamarad yo te leve kanpe pou te bloke Jan bagay yo tap fèt nan le vilat Petyon vil.

PTRA mande militan yo kontinye denonse tout moun ki prè pou al pran pouvwa sou tout kantite kadav, vòl, vyòl, kidnaping ak asasinay rejim tèt kale a fè sou pèp Ayisyen an.

PTRA ap pwofite di militan yo, baz yo se menm konpòtman opòtinis sa yo ki te lakòz anpil jenn militan ta pral viktim nan ane 1986 yo paske yo manke eksperyans nan fè vye alyans opòtinis ki te lakòz lit pèp Ayisyen an fè anpil bak, jiskaske yo te mennen pèp Ayisyen an nan masak 29 Novanm 1987.

Se pou tèt sa PTRA ap lanse yon apèl istorik pou yon veritab TÈT KOLE nan mitan vrè militan Lagòch yo, pou mete kanpe yon “VRÈ FWON INI” nan mitan militan Kominis, vrè militan patriyòt konsekan pou bay mas popilè yo nan Peyi Dayiti nan yon direksyon politik revolisyonè pou konbat tout fòm opòtinism ki toujou ap fè lit mas popilè yo fè bak nan Peyi Dayiti.

Jounen jodi a, yon lòt ankò, li enpòtan pou gen yon vrè bilan ki fèt sou lit pèp Ayisyen mennen depi 7 Fevriye 1986 rive jounen jodi a, pou fè yon veritab bilan nan batay pèp Ayisyen an, pou tabli yon veritab demokrasi nan Peyi a.

Pati Travayè Revolisyonè Ayisyen an( PTRA) mande pou ta genyen yon veritab fowòm politik nan mitan òganizasyon popilè revolisyonè yo pou yon vrè solisyon popilè revolisyonè demokratik kap pèmèt yon vrè direksyon politik revolisyonè nan mitan mas yo nan Peyi Dayiti kòm direksyon politik pou anpeche magouyè yo, rat dokale, al diskite nan non pèp la san yo pa gen manda.

Lè a rive pou n reòganize batay la nan mitan mas popilè yo!

 

Aba tout magouyè rat dokale!
Aba tout fòm opòtinism!
Viv yon direksyon revolisyonè nan tèt lit pèp Ayisyen an!
Viv yon FWON INI OUVRIYE-PEYIZAN-TI MACHANN

Pou PTRA
DJO OULIANOV

Apwopo Près Travayè

Ou ka gade tou

Sèl yon mobilizasyon Jeneral san kanpe ki ka sove mas popilè yo nan Peyi Dayiti anba rejim PHTK !

Pati Travayè Revolisyonè Ayisyen (PTRA) kòm òganizasyon revolisyonè avangad kap defann enterè klas travayè a …