Akèy / Nouvèl Lakay / INOHA ADRESE LI AK OTORITE DEFAKTO YO POU BAY TIMOUN CHANS POU YO APRANN.

INOHA ADRESE LI AK OTORITE DEFAKTO YO POU BAY TIMOUN CHANS POU YO APRANN.

INOHA mande moun ki di yap dirije yo, nan yon nòt pou laprès li fè soti Lendi 26 avril la, pou bay ledikasyon plis enpòtans nan politik piblik li yo nan sousi pou sosyete a ka pi jis ak ekitab.
__

Enstiti nasyonal obsèvasyon Dayiti ( INOHA) konstate, daprè yon nòt li fè soti, timoun lise yo retounen foule beton an pou mande prezans pwofesè nan sal klas yo. »Timoun sa yo ki ap manifeste pou mande pwofesè nan sal klas yo , sa rive souvan Lapolis fè vyolans sou yo », daprè sa ki li nan nòt la.

Fas ak sityasyon malouk sa, INOHA raple otorite yo kisa atik 32.1 ak 32.2 konstitisyon 29 Mas 1987 la di sou koze ledikasyon. »Ledikasyon se Leta ak kolektivite teritoryal yo ki pran sa an chaj. Tout timoun dwe gen aksè ak lekòl gratis », toujou daprè nòt la ki tap referèl ak sa manman lwa peyi a fè konnen sou ledikasyon.

Yon lòt kote, enstiti nasyonal obsèvasyon Dayiti a mande otorite yo pou asime responsabilite yo pou timoun yo ka retounen nan sal klas yo.  » Li grav pou jan n ap viv la nou pa panse ak timoun k ap vin dèyè yo », ekri nan nòt la.

Pou fini, yo mande otorite yo pou yo nonsèlman rekanpe eskanp figi yo, nan sans pou bay ledikasyon plas li dwe genyen men tou, yo fè konnen si Leta a pa panse ak ledikasyon l ap difisil pou peyi Dayiti devlope.

Apwopo Près Travayè

Ou ka gade tou

YON MOUN MOURI NAN KOURAN AKOZ MOVE JESYON GOUVÈNMAN AN.

Yon sitwayen pèdi lavi li nan komin Taba byen bonè maten mekredi 27avril 2021 an …