Akèy / Atik / AYITI/KONFERANS: MILITAN SDP YO GENLÈ MANKE DEMOUTE MÈT ANDRÉ MICHEL…

AYITI/KONFERANS: MILITAN SDP YO GENLÈ MANKE DEMOUTE MÈT ANDRÉ MICHEL…

Jounen lendi 10 janvye 2022 a nan kad yon konferans pou laprès Sektè Demokratik ak Popilè a (SDP) t’ap òganize nan lokal yo Delma 75, plizyè militan ki santi yo endinye , revòlte e pete deblozay ki pètibe konferans sila.

Se ak anpil difikilte ke dirijan sektè a tankou Mèt André Michel te arive kite espas la. Kòlè militan yo fè yo arive kraze tab e rache limyè kite nan espas la, anpil gwo pawòl piman bouk te lanse kont politisyen sa yo. SDP sou pouvwa, kounya nou bezwen travay. Nou fin fè tout tan ap batay nou pa jwenn anyen. Se youn pami revandikasyon jèn gason sa yo.

Depi yon bon bout tan Dirijan sektè a pa sispann resevwa jouman nan men popilasyon an ak militan ki santi yo endinye pou alyans ke nèg SDP yo fè ak Premye Minis defakto a Ariel Henry. Jodi a yo resi kite etap pawòl la pou pase nan poze aksyon. Jous kounyea lidè yo poko ka reyaji fas ak sak pase a.

Bi konferans lan ki te pou pale sou anpil pwen tankou koze sekirite, manda 10 senatè yo, akò 11 septanm nan elatriye.
Yon pèp deja gen pwoblèm ke yo paka rezoud, epi NÈG SDP yo konprann yo ka kontinye pasel anba betiz.

PrèsTravayè.

Apwopo Près Travayè

Ou ka gade tou

AYITI/DISTRIBISYON: 2 MIL KIT ALIMANTÈ SEPARE BAY ANPLWAYE SNGRS YO…

Pandan sezon fèt ki anonse ane 2022 a, administrasyon Sèvis Nasyonal kap Jere Fatra yo …