Akèy / Atik / GWADLOUP/ KRIZ: NAN PEYI GWADLOUP ANPIL AYISYEN  VIKTIM DE  ZAK VYOLANS…

GWADLOUP/ KRIZ: NAN PEYI GWADLOUP ANPIL AYISYEN  VIKTIM DE  ZAK VYOLANS…

Nan peyi Gwadloup, bagay yo pat bon ditou nan semèn pase yo. Anpil gwo mobilizasyon kap fèt kont obligasyon ke otorite peyi sila mete pou fè pèp la vaksinen kont kowona viris debouche sou gwo zak vyolans. Yon sitiyasyon ki gen gwo konsekans sou konpatriyòt ayisyen kap viv nan peyi sila.

Jounen 22 Novanm 2021 an, Jean Guy Sadrac Mémé, yon ansyen jounalis radyo tele « Galaxie » kap viv nan Point-à-Pitre dekri sitiyasyon sa pou nou. Kote li estime ke sitiyasyon sa kap pase nan peyi Gwadloup la se menm sitiyasyon sa ke nou tap viv nan dat 6 – 7 Jiyè lane 2018.

Jounalis la mansyone kel poko janm wè jan de bagay so yo. Kote pwotestatè yo pa pè anyen, yo boule E yo piye tout sak sou wout yo. Li ajoute ke pwotestatè yo pat epanye anyen ditou, menm ayisyen ki envesti laba a viktim de gwo zak vyolans sa yo. Sila ki gen magazen ak sila yo ki envesti nan prodwi kosmetik, vètman elatriye tout bagay sa yo pase anba flanm dife ak sèn piyaj. Anpil frè ak sè nou yo pa konn ki sen pou yo rele nan moman an.

Malgre tout anons ke otorite fransè yo fè, zak vyolans yo pa janm sispann kote jiska jounen lendi 22 novanm 2021 an ri yo toujou barikade E toujou gen kawoutchou kap boule e pwotestatè yo poko antann bay vag.

PrèsTravayè.

Apwopo Près Travayè

Ou ka gade tou

KANADA/REKRITMAN : ANBASAD KANADA DEMANTI ENFOMASYON KI FÈ KWÈ KE LI AP FÈ REKRITMAN…

  Jounalis Pierre côté se Yon jounalis an Ayiti fè konnen ke Anbasad Kanada nan …