Akèy / Atik / AYITI/KOMEMORASYON: AYITI SELEBRE POU PREMYE FWA NESANS PAPA NASYON AN.

AYITI/KOMEMORASYON: AYITI SELEBRE POU PREMYE FWA NESANS PAPA NASYON AN.

Jounen 20 Septanm 2021 an fè 263 lane depi sòl Dayiti te kale yon vanyan gason ki te rele JEAN JACQUES DESSALINES. Li te grandi nan esklavaj men sa pat anpeche kel grandi ak rèv pou te libere frè ak sè li yo ke kolon blan tap fè monte yon maswife. Yon nèg vanyan ki pat pè bay lavil pou te chanje sistèm kitap maltrete pwòp frè li yo ki tap sibi move tretman. DESSALINES te konekte tout sal genyen kòm resous poul te fè nou jwi ti moso *LIBÈTE*.

Malgre tout sal te fè poul pat pèmèt jodia nou pa sibi vye Zak anba men kolon blan, men gen kèk grenn esklav san mantalite ki toujou ap vann nanm yo. Anperè a ap toujou rete kòm yon iko’n, yon senbòl pi pap janm disparèt nan lespri sila yo ki konn valè libète, ki konn valè sak rele sakrifis. Se te yon anperè ki te makònen ak prensip jis poul t ka libere nasyon saa. Kote plizyè dat nan istwa nou kòm pèp raple’n fyète ak onètete, 18 Mai 1803, 1Janvye 1804…

Malgre anpil efor, tanta pouvwa ta pwal fè nou dyabolize papa nasyon nou an jis nou te arive touyel. Depi lè a nou nan tout sak pa bon kòm pèp. Jounen jodia, si dirijan nou yo chwazi komemore dat saa ki se 20 septanm nan, yo ta dwe swiv tras nesans anperè a pou aji ak aplike anpil nan prensip li yo petèt nou ta rejwenn tikal nan fyète kel te travay pou nou an.

Rèv ak anbisyon ke DESSALINES te genyen pou peyia pata dwe antere, yo ta dwe ap grandi nan tèt chak grenn ayisyen konsekan. Nou dwe viv tankou moun, poun pat ret ak blan, poun patap mache pran imilyasyon nan men peyi etranje.

Jounen jodia dirijan nou yo dwe aji an konsekans pou pèmèt rèv anperè a kontinye.

Apwopo Près Travayè

Ou ka gade tou

AYITI/BANDI: POPILASYON NAN SEN LWI NAN NÒ REVOLTE KONT BANDI…

Pwoblèm ensekirite nan DAyiti se refren ki poko ka finn chante nan zorèy popilasyon an. …