Akèy / Atik / PTRA SOTI YON NÒT POU LAPRÈS KOTE LI POTE SOLIDARITE LI AK MOUN NAN SID YO.

PTRA SOTI YON NÒT POU LAPRÈS KOTE LI POTE SOLIDARITE LI AK MOUN NAN SID YO.

Not pou laprès

Sekretarya jeneral Pati Travayè Revolisyonè Ayisyen(PTRA) voye tout solidarite ak senpati bay tout kamarad militan PTRA ansanm ak tout moun ki viktim nan gran Sid la yon lòt fwa ankò anba tranbleman de tè 14 dawout 2021 lan an, kote popilasyon nan gran sid la, Nip ak grandans sibi anpil move konsekans( kay kraze, moun mouri moun blese ak anpil lòt dega ) kap ogmante problèm pèp Ayisyen an ki te toujou ap viv move konsekans koudougoudou 12 janvye 2010 la.

PTRA mande popilasyon an pi espesyalman manm li yo nan tèt kole ak militan nan popilasyon an ki angaje yo nan ede ak akonpaye viktim yo, yon jès ki merite anpil aplodisman jan kèk manm PTRA yo ap pote solidarite bay kèk viktim, yon aksyon ki dwe fèt nan tout zòn kote gen moun ki viktim anba gouroudgoudou 14 dawout la.

PTRA mande pèp Ayisyen an pou kreye sanpèditan bonjan komite katye kote sitwayen yo pran desten yo nan 2 pla men yo.

PTRA ap di viv pèp Ayisyen an ! kontinye ak bèl jès solidarite yo kap ede nou travèse moman difisil sa ki vin mete apse sou klou mizè Ayisyen an ki vin pi plis depi lè enmi pèp Ayisyen an mete nan yon rejim kriminèl asasen ke gwo Peyi enperyalis yo enpoze nan Peyi Dayiti depi nan eleksyon2010/ 2011 yo.

Konsa, PTRA ap mande ann kontinye mare senti nou nan tèt kole ak frè n, sè n ki nan Peyi lòt bò dlo pou nou ka devlope solidarite ak estrateji kap libere pèp Ayisyen an anba tout move lavi ak lamizè.

PTRA mande bonjan solidarite ant tout Ayisyen anndan ak lòt bò dlo pou nou sove ak ede frè nou ak sè nou ki nan malè.

Pou sekretarya jeneral
DJO OULIANOV

Apwopo Près Travayè

Ou ka gade tou

AYITI / INSEKIRITE : DIREKTÈ LAPOLIS LA FÈ DEKLARASYON LI DI POU BANDI YO KÒMANSE RANMASE PAKÈT YO. 

Depi kek lane zak banditis se aktyalite nan peyi Dayiti. Chak jou pi plis enstabilite …