Akèy / Atik / PTRA REYAJI SOU NOUVO KRIZ KAP RAVAJE PEYI APRE LANMÒ JOVENEL MOÏSE.

PTRA REYAJI SOU NOUVO KRIZ KAP RAVAJE PEYI APRE LANMÒ JOVENEL MOÏSE.

Pou kisa se konfizyon chak jou ki blayi nan Peyi a depi lè yo fin asasinen prezidan defakto a Jovenel Moïse jou ki te 7 jiyè 2021an, ansyen prezidan defakto a ki te kenbe pouvwa ilegalman nan Peyi Dayiti.
Depi ekzekisyon ansyen prezidan defakto ilegal la, ke yo asasinen ak plis pase yon douzèn bal nan tout kòl jou ki te 7 jiyè 2021an byen bonè nan maten, yon zak asasinay ki ta pral lage plis konfizyon nan mitan popilasyon Peyi Dayiti, yon Peyi kote malfèktè ki anndan ak deyò Peyi a toujou kole tèt yo ansanm pou detwi Peyi sa kont volonte pèp Ayisyen an ki pa janm ka rale yon souf, Kote nan Peyi Dayiti Jovenel Moïse nan tèt rejim san manman tèt kale a, fè tout sa yo kapab pou kraze Peyi sa ak elimine pèp Ayisyen an.

Jovenel Moïse yon ansyen prezidan defakto ke kominote entènasyonal la nan tèt yo te toujou ap sipòte Peyi Dayiti menm lè manda li te fini depi 7 Fevriye 2021.
Men te kontinye kenbe pouvwa a lèl te itilize lapolis plizyè gang kriminèl li te mete kanpe ak anpil gwo zam nan anpil katye popilè kote asasen sa yo tap kidnape, sekestre, vyole, teyorize, asasinen , boule tou vivan anpil moun nan plizyè kwen nan Peyi a. Yon politik tèrè ki te kreye nan objektif pou anpeche popilasyon leve kanpe pou revandike ak fè respekte dwa l.
Depi yo ta asesinen Jovenel Moïse konfizyon politik la vin ogmante nan Peyi a, yon sitiyasyon ki lage anpil latwoublay nan tèt popilasyon an ki deja twouve nan yon sitiyasyon malouk lè yon bon Pati nan popilasyonnan oblije Pati kouri kite kay yo tankou fontamara, matisan, bèlè, site Solèy poun site sa yo ,pandan ke anpil gang kriminèl toujou ap teyorize popilasyon an, boule machinn, boule mache, boule komisarya lapolis nan kè sote.

San nan tout tribilasyon ak tout move lavi sa yo ke lanmò asasinay Jovenel Moïse la vin mete Peyi Dayiti nan plis pwoblèm ke li te twouve li deja.

Konsa, Pati Travayè Revolisyonè Ayisyen an leve kanpe kale je l pou li ka konprann nan ki sitiyasyon rejim PHTKtèt kale mete Peyi Dayiti jounen jodi a.
Yon sitiyasyon ki mande pèp Ayisyen an ouvè je l byen gran, pa ret ap dòmi, paske se pa premye fwa Peyi Dayiti konn twouve l nan mòd sitiyasyon tèt chaje sa yo.
Si nou sonje sitiyasyon kawotik ke laboujwazi ki tap fè komès ak gouvènman peyi Etazini, lè yo te fè prezidan Vilbrun Guillaume Sam sou fo pretèks politik ale asasinen nan penitansye nasyonal plizyè dizènn prizonye politik ki ta pral soulve kòlè popilasyon nan kapital la ki ta pral leve kanpe devan zak masak asasinay san parèy ke Jal Chaloskar komèt sou prizonye politik yo ki ta pral soulve kòlè pèp la ki pral antre pran prezidan Vilbrun Guillaume Sam anndan anbasad Peyi Lafrans yon pretèks ke gouvènman te kreye e sèvi avèl pou l te ka tou anvayi vinn okipe Peyi Dayiti jou ki te 28- 29 jiyè 1915, kote blan Meriken te pwofite okipe Peyi Dayiti ,kote blan Meriken te retabli nan esklavaj yon fwa ankò nan Peyi Dayiti, yon politik kriminèl ak piyay tout kalite fèt sou richès ak rezèv Peyi blan te pwofite dechèpiye nan Peyi Dayiti.
Kidonk, se pa premye fwa ke gwo Peyi yo konn kreye ak pwofite tou anvayi Peyi a pou vin politize piyay ak agresyon kont pèp Ayisyen an.

PTRA ap mande pèp Ayisyen an kale je byen laj pou l konprann ki plan makab kap ekzekite nan Peyi Jan Dessaline ak Chalmay Peralt la.
PTRA mande prepare pou nou al repete menm deviz zansèt nou yo “ LIBÈTE OU LANMÒ”
Ayiti pap disparèt, paske pou nan plen 21 nyèm syèk pou se menm vye politik kriminèl yap kontinye aplike kont pèp Ayisyen an, PTRA li lè pèp la leve kanpe pou pran desten l nan 2 pla menl lè li òganizel pou libere Peyi Dayiti ke zago loray anpeche li avanse.
Se sèl gouvènman onèt, serye kap ka mennen yon bon ankèt sou asasinay ak lanmò prezidan defakto a.

PTRA ap pwofite tout moun kap mande vinn okipe Peyi a, yon Peyi ke menm blan sa toujou ap kraze , imilye, eksplwate , bwè san depi nan lane 1915 rive jouk jounen jodi a.
PTRA mande pèp Ayisyen leve kanpe kont tout moun kap mande okipe Peyi a ki te deja okipe.

Nan Sitiyasyon kawotik ennmi pèp Ayisyen yo lage Peyi a, pap lòt solisyon pou Peyi a, sèlman lè pèp la pran kontwòl Peyi a pou l tabli rejim popilè revolisyonè demokratik sou kontwòl popilasyon an.
Pou sa fèt fòk:
1- Pou pèp la kreye nan tout katye popilè yo bonjan komite brigad vijilans kap pwoteje ak defann mas pèp a.
2- Bonjan komite brigad, defans peyizan nan tout kominn ak seksyon kominal.
3- Bonjan komite ouvriye nan Izinn ak antrepriz leta sou kontwòl travayè yo
4- Bonjan komite ti machann nan tout mache piblik kap defann ak pwoteje lavi ak enterè ti machann yo.

PTRA mande pou pèp la kale je l ret vijilan poun defann teritwa sakre zansèt nou yo.

Revolisyonè, patriyòt tout kalite leve kanpe, mobilize Peyi Dayiti an danje!

Pou sekretarya jeneral
Pati Travayè Revolisyonè Ayisyen ( PTRA)
DJO OULIANOV

12 Jiyè 2021

Vizite site web nou ki se www.prestravayè.com

Kontakte nou sou nimewo sa:
+1646 387 6176

Apwopo Près Travayè

Ou ka gade tou

AYITI / INSEKIRITE : DIREKTÈ LAPOLIS LA FÈ DEKLARASYON LI DI POU BANDI YO KÒMANSE RANMASE PAKÈT YO. 

Depi kek lane zak banditis se aktyalite nan peyi Dayiti. Chak jou pi plis enstabilite …