Akèy / Ptra / PTRA SALYE KOURAJ TOUT FANM NAN PEYI DAYITI NAN JOUNEN ENTENASYONAL FANM NAN.

PTRA SALYE KOURAJ TOUT FANM NAN PEYI DAYITI NAN JOUNEN ENTENASYONAL FANM NAN.

PTRA ki se pati revolisyonè ayisyen koube li byen ba devan tout fanm nan mond lan espesyalman tout fanm nan lakou peyi Dayiti kap ravitaye malgre mizè PHTK mete nan peyi a depi prèske nèf (9) lane.

Nan gwo jou sa nap mande tout fanm kèlkanswa kote yo ye nan peyi a nan kèlkanswa sektè ke yap evolye pou nou regwoupe nou ansanm nan lòd ak disiplin poun mete rejim bout di PHTK a deyò nan pouvwa poun ka rale yon souf anba ensekirite, kidnapin, lavi chè poun site sa yo.

Nan sans sa nou salye kouraj tout fanm nan peyi a, madan sara yo, machann yo, ouvriyè yo, kap goumen chak jou Bondye mete pou bay pitit yo moso edikasyon.

Apwopo Près Travayè

Ou ka gade tou

Sèl yon mobilizasyon Jeneral san kanpe ki ka sove mas popilè yo nan Peyi Dayiti anba rejim PHTK !

Pati Travayè Revolisyonè Ayisyen (PTRA) kòm òganizasyon revolisyonè avangad kap defann enterè klas travayè a …