Akèy / Nouvèl Lakay / Ayiti/ revandikasyon: Yon timou 5 lane pèdi lavi l anba gaz lakrimojèn polisye yo tap lanse.

Ayiti/ revandikasyon: Yon timou 5 lane pèdi lavi l anba gaz lakrimojèn polisye yo tap lanse.

Plizyè manm nan sendika polis nasyonal la SPNH pran la ri jounen lendi 7 septanm 2020 an  pou manifeste kont move tretman yap ba yo. Yon timoun 5 ane rive pèdi la vil nan lopital jeneral akoz anpil gaz lakrimojèn polisye ki te gen lòd pou kraze manifestasyon an tap lanse san kontwol.

Nan objektif pou egzije bon jan oryantasyon pwofesyonèl nan la polis la, bon jan kondisyon travay ak plizyè lòt pwen Abelson Gros Nègre te site, plizyè manm nan SPNH la ak plizyè militan ki te foule beton an lendi 7 septanm 2020 an.

Abelson Gros Nègre fè konnen aprè 11 lane li pase ap sèvi peyi l nan lapolis la yo pa jwenn anyen pou yo repwoche l. Li ajoute ke yo revokel pou konviksyon li, pou batay l’ap mennen, paske li te kalifye arestasyon Pascal Alexandre abitrè, paske li t’ap denonse chèk polisye yo tap vòlè ak plizyè lòt rezon ankò.

Etidyan yo ki t vin rejwenn yo sou chanmas la deklare yo vin kore SPNH la paske yo soti nan zantray yo nan mas defavorize menm jan ak yo. Etidyan yo fè konnen yo kont jan yo politize polis nasyonal la ak jan yo materyalize yo.

Nan sans sa kèk manm SPNH la, militan ak etidyan yo leve vwa yo byen wo pou mande Normil Rameau kite tèt lapolis la san yo pat neglije mande prezidan enkilpe a Jovenel Moïse kite pouvwa a paske yo pa pral nan eleksyon ak yon enkilpe, vòlè, asasen ki touye mèt Monferrier Dorval.

Jeanne d’arc Jean

Apwopo Près Travayè

Ou ka gade tou

AYITI /ENSEKIRITE : POLIS NASYONAL DAYITI A REPRANN KONTWÒL BÈLÈ AK MACHIN BLENDE YO.

Jedi 10 septanb 2020 an, aprè plizyè èdtan nan eklatman bandi vyolan ak gwo zam …