Akèy / Nouvèl Lakay / Ayiti/ protestasyon. Etidyan ak elèv lekol yo okipe lari potoprens lan.

Ayiti/ protestasyon. Etidyan ak elèv lekol yo okipe lari potoprens lan.

Plizyè etidyan ak elèv pran lari potoprens jodi Jounen 10 septanm 2020 an. Yo chak gen revandikasyon pa yo men sa pat anpeche yo foule beton an ansanm.

Polisye yo kraze manifestasyon an depi anlè. Malgre dispozisyon polisye yo pou yo pat okipe lari a, yo byen deside san krent ak anpil detèminasyon.
Etidyan yo ap mande jistis pou Mèt Monferrier Dorval ki mouri 28 out pase a lakay li peleren 5 nan komin petyon vil. Objektif etidyan sa yo se te al depoze yon jèb flè lakay mèt Dorval kote yo te touye l la.

Elèv lekol yo bò kote pa yo ki genyon egzamen ki rive sou yo ap egzije pou yo jwenn pwofesè nan klas yo.
Yon machin leta boule swit a protestasyon sa yo ant ri Dr Dehoux e avni magloire Ambroise.
Manifestan yo fè plizyè tou Sant vil la. Lè yo rive devan radyo karayib la la polis ouvè anpil katouch e lanse anpil gaz lakrimojèn pou yo gaye foul la. Elèv yo ak etidyan yo byen detèmine kontinye okipe lari potoprens.

Jeanne d’arc Jean

Apwopo Près Travayè

Ou ka gade tou

AYITI/AKTYALITE:PÒT PAWÒL ALYANS PÈP LA FÈ KONNEN SE TOUT KOUCH NAN SOSYETE A KI POU LEVE KANPE .

BENEL DIDIER ki se kòdonatè nasyonal alyans pèp la, pat met dlo nan bouch li …