Akèy / Ptra / Pati Travayè Revolisyonè Ayisyen ( PTRA) Deklarasyon pou laprès

Pati Travayè Revolisyonè Ayisyen ( PTRA) Deklarasyon pou laprès

Yon leve kanpe jeneral Pèp Ayisyen nan 4 kwen Peyi Dayiti sèl Jan pou n sove Peyi a anba rejim kriminèl tèt kale a nan Peyi Dayiti.
Lè n konsidere pil dekrè tèt anba rejim tèt kale a ap pran nan Peyi Dayiti jounen jodi a pa kanpe sou anyen, se sèlman blòf ak pwovokasyon.
Lè n konsidere deklarasyon plizyè Chèf gang ke lapolis ta sipoze arete alòske se menm lapolis sa kap bay gang kouvèti pandan lapolis gen manda pou lapolis arete yo.
Lè n konsidere nan kèk mwa, 7 Fevriye 2021 Jovenel dwe kite pouvwa a.

Lè n konsidere gwo Peyi enperyalis yo te mete rejim tèt kale nan Peyi a pou te tann lavi malere ak melerèz pou difisil nan Peyi Dayiti.
Lè n konsidere jounen jodi a gen 2 viris kap fè viktim nan Peyi Dayiti, youn se koworonaviris ak rejjm tèt kale a.
Lè n konsidere se sèl Pèp Ayisyen, nan yon bonjan mobilizasyon nan tout Peyi a, kòm sèl mwayen ki ka libere mas Pòv yo kap viktim twò lontan anba rejim PHTK a ki sèvi ak gang kòm zouti pou fè represyon ak entimidasyon sou mas popilè yo nan Peyi Dayiti.
Lè n konsidere se sèl Pèp la li menm, lè l byen òganize l nan 4 kwen Peyi a nan lòd ak disiplinn kapab delivre Peyi a anba asasen, gang ak kriminèl ki vinn anvayi Peyi a.

Konsa , Pati Travayè Revolisyonè Ayisyen mande tout travayè, tout ti Peyizan, ti machann, tout jènn konsekan nan katye popilè yo leve kanpe kòm sa dwa pou n libere a ke asasen tout kalte ap finn kraze.
Pou sa, PTRA mande mobilizasyon jeneral pou delivre Peyi a.

Pou sekretarya jeneral PTRA
Djo Oulyanòv

Jiyè 2020

Apwopo Près Travayè

Ou ka gade tou

PTRA MANDE POU TOUT MOUN METE ANSANM AK POLISYE YO POU RIVE CHABADE REJIM PHTK A,

Pati Travayè Revolisyonè Ayisyen ( PTRA) mande militan konsekan yo mete komite katye kanpe nan …