Akèy / Nouvèl Lakay / AYITI/LOPITAL: MALGRE GWO RISK EPIDEMI KOWONAVIRIS LA NAN MOND LAN, GRENN LOPITAL PEYI A BAY GWO KÈ SOTE.

AYITI/LOPITAL: MALGRE GWO RISK EPIDEMI KOWONAVIRIS LA NAN MOND LAN, GRENN LOPITAL PEYI A BAY GWO KÈ SOTE.

Nan yon visit nan lopital leta a nan peyi Dayiti ki chita kò li nan Ri Mgr Guilloux jounen lendi 23 mas 2020 an, sityasyon bay gwo kè kase kote okenn preparasyon pa fèt pou ta resevwa yon moun ki ta gen kowonaviris la.

Lopital la plis sanble yon simityè kote kèk grenn moun ap moute desann, paran kèk malad ap mache tankou chen fou dèyè yon doktè pou ta pote yo sekou ak yon malad kap soufri, kèk lòt papye preskripsyon nan men yo san yo pa konn ki kote kòb la ap soti pou achte medikaman an pandan nan tout lakou a yon ekip raketè ap mande moun yo ki medikaman yo bezwen pou al vann yo.

Yon malad ki te chwazi pale nan mikwo nou deklare li te dwe opere depi desanm 2019 akoz yon boul li gen bò kou li men chak li vini li pa jwenn doktè akoz doktè yo kanpe travay pou leta ka peye yo malgre li deja fè tout sa yo mande li.

Yon paran malad ki fè aksidan moto di depi yon dimanch swa mari li fè aksidan moto li pa jwenn yon doktè mande li sa li pote pou vann, grenn moun ki pale avèk li a refere yon lopital prive kote yo mande li 50,000 goud pou mari a pran swen.

Okenn doktè pat chwazi pale nan mikwo nou, yo te plis kanpe sou mawonaj depi  yo wè yon malad rantre nan lopital sou pretèsk leta ayisyen pa ko bay okenn materyèl nan lopital pou fè prevansyon.

Nap raple lopital la sal pa gen okenn netwayaj ki fèt, malad yo lage tankou pitimi san gadò swa yo sou yon kabann san dra oubyen yo atè a ap soufri.

Kesyon anpil moun ap poze, ki wòl minis diretè lopital la? Eske peyi a gen otorite nan domèn sante?

 

Apwopo Près Travayè

Ou ka gade tou

AYITI/AKTYALITE:PÒT PAWÒL ALYANS PÈP LA FÈ KONNEN SE TOUT KOUCH NAN SOSYETE A KI POU LEVE KANPE .

BENEL DIDIER ki se kòdonatè nasyonal alyans pèp la, pat met dlo nan bouch li …