Akèy / Ptra / PTRA MANDE POU TOUT MOUN METE ANSANM AK POLISYE YO POU RIVE CHABADE REJIM PHTK A,

PTRA MANDE POU TOUT MOUN METE ANSANM AK POLISYE YO POU RIVE CHABADE REJIM PHTK A,

Pati Travayè Revolisyonè Ayisyen ( PTRA) mande militan konsekan yo mete komite katye kanpe nan tèt kole ak polisye ki kanpe yo pou chase ekip PHTK kidnaping lan nan tèt peyi a pou tabli yon pouvwa popilè revolisyonè san peditan!
Nan semenn ki sot pase yo nan mouvman Peyi lòk la, PTRA te di si Pèp la pa pran pouvwa a,nap debouche sou yon rejim PHTK fachis.

Efektivman, depi kèk tan, nap asiste yon seri zak kidnaping ki bay anpil tèt chaje Peyi a sou jan bandi yo fè zak yo san pwoblèm nan Peyi a, sa montre a klè, se echèk mouvman lòk la ki pat reyisi chavire rejim jovnèl la, ki bay kòm konsekans yon rejim fachis kap fèt nan Peyi a pou entimide popilasyon an ki te leve nan 4 kwen Peyi a pou te deboulonnen rejim PHTK a.

Konsa, nan sitiyasyon malouk sa, yon pati nan polis nasyonal kap viv nan menm kondisyon malouk ak popilasyon an,deside leve kanpe, pou denonse move lavi ke yo menm polisye ap sibi, nan sans sa, PTRA pote di bravo, e apiye tout batay polisye yo pou yon chanjman nan move lavi y ap viv, PTRA ap sipòte tout polisye ki deside mete kanpe yon sendika pou defann enterè yo kòm polisye pou yon pibon konfidyon nan travay yo pou bay sekirite nan Peyi a , yon aktivite PTRA sipòte ak tout fòs li, e di bravo pou tout aktivite polisye yo ap fè pou pote yon amelyorasyon nan sotiyasyon makawon polisye yo ap viv menm jan ak mas defavorize yo.

Aksyon polisye yo bezwen sipò tout sitwayen konsekan, paske polisye yo ap viv menm move lavi ak tout kouch nan mas defavorize yo, PTRA kwè polisye kap souf ti yo gen enterè pou fè tèt kole ak tout gwoup òganize ki mobilize , pou chanje Peyi a tout bon vre!
Fòk mas yo òganize yo, tout kote nan Peyi a pwofite leve kanpe pou chanje Peyi a.

PTRA mande pou pèp la pote kole ak tout leve kanpe sendika polis nasyonal la pou n ka debouche sou yon tèt kole konsekan pou dechouke rejim tèt kale a ki simaye gang kriminèl pou entimide Pèp la, si n pa dechouke rejim PHTK a y’ap fini ak Peyi a.

Sa montre nesesite pou n pran pouvwa a touswit nan Peyi a, pou debloke Peyi a anba rejim PHTK kriminèl nan Peyi Dayiti.

Yon lòt fwa ankò PTRA mande bonjan tèt ansanm nan mitan fòs ki vle chanjman yo pou libere mas pòv yo ke rejim fachis tèt kale ki la sòti pou l fini ak fini Peyi a.

Se pou militan konsekan yo chita san péditan ak polisye konsekan yo pou debarese Peyi a anba rejim bandi a.
PTRA mande a:
Yon Fwon Ini pou dechouke rejim PHTK kriminèl sa ki sòti pou l fini al Peyi a nan aktivite kidnaping toupatou nan Peyi a.

Pou polisye òganize yo rejwenn komite katye yo pou kraze touswit tout gang kap teyorize popilasyon a ki deja ap soufri anba tout kalte mizè ki ogmante nan Peyi a pandan 8 lane rejim tèt kale bandi legal yo.

Dechouke sanpèditan rejim tèt kale a pou tabli yon pouvwa popilè revolisyonè kap fòmè ak Ouvriye konsekan, ti Peyizan, ti Machann ak polisye konsekan ke asanble polisye yo chwazi demokratikman!
PTRA mande sanpèditan Kreyasyon konsèy popilè nan chak katye pou pwoteje ak defann revandikasyon mas popilè yo ak patisipasyon polisye konsekan ki deziye demokratikman!

Viv yon pouvwa popilè revolisyonè kap defann mas pèp la!
Aba tout rejim PHTK kriminèl kap sèvi an gang kont mas pèp la!
Viv bonjan konsèy popilè nan tout Peyi a, nan vil kou nan pwovens!

Pou sekretarya Jeneral PTRA
DJO Oulianov

16 Fevriye 2020

Apwopo Près Travayè

Ou ka gade tou

PTRA KONDANE ZAK GWO PONYÈT POUVWA DEFAKTO A FÈ JOUNEN 18 ME 2020 SOU MILITAN YO KI TAP MANDE REJIM BOUT DI A KITE POUVWA A.

Sekretarya Jeneral Pati Travayè Revolisyonè Ayisyen ( PTRA) denonse sak agresyon fizik ak tantativ asasinay …