Akèy / Nouvèl Lakay / AYIT-PWOTESTASYON: TI MACHANN YO RELE ANMWEY POU POUVWA PHTK K AP SOUSE SAN YO NAN FÈ YO PASE MIZÈ.

AYIT-PWOTESTASYON: TI MACHANN YO RELE ANMWEY POU POUVWA PHTK K AP SOUSE SAN YO NAN FÈ YO PASE MIZÈ.

Ti machan nan lari Potoprens rele bare dèyè pouvwa PHTK ki kontinye ap souse san yo kote lavi chè kontinye ap grenpe men wotè, nan ti pale « PRÈS TRAVAYÈ » te fè avèk kèk ti machann sou Delma avèk nan Taba mande kisa yo pral bay pitit yo manje lè yon prezidan defakto chwazi fèmen yon peyi san pran desizyon pouta ede yo jwenn manje si yo ta fè plizyè mwa pa ka soti al nan aktivite yo pandan yo pat gen lajan sere se ti sa yo fè yo manje chak jou, yo fè konnen poutan chèk tout otorite kontinye ap soti chak menm si yo ta fè plizyè ane pa travay akoz maladi Covid-19 la.

Chak jou ki pase se plis mizè ti machann yo di y ap pase pou okipe fanmi yo pandan anpil blofè a kostim kise otorite kontinye ap volè lajan devlopman peyi a nan don lòt peyi fè Ayiti kado pou yo al fè bèl vi avèk fanmi yo pandan yo menm yo toujou nan kras la.

Ti machann yo pwofite de mikwo « PRÈS TRAVAYÈ » pou di aba tout otorite k ap pran lajan peyi san fè travay yo pandan peyi a vin pi sal, pa gen ankdreman pou jèn fè devlopman pou tout moun ka viv nan kè kontan, lopital pa ka fonksyone pou bay sèvis, chak jou boujwa monte pri pwodwi jan yo vle pandan pèp la pa ka jwenn travay pou gen mwayen pou achte pwodwi sa yo.

Pou fini ti machann yo raple otorite yo peyi a se pou tout pèp Ayisyen li ye yo pa ka chwazi fè sa yo vle, jan yo vle ak lè yo pito pandan pi gwo fòs ekonomi peyi a se ti machann yo k ap chache lavi anba fatra avèk pousyè k ap ba yo gwo maladi.

 

kredi foto: Radio Négritude

 

Apwopo Près Travayè

Ou ka gade tou

AYITI/AKTYALITE:PÒT PAWÒL ALYANS PÈP LA FÈ KONNEN SE TOUT KOUCH NAN SOSYETE A KI POU LEVE KANPE .

BENEL DIDIER ki se kòdonatè nasyonal alyans pèp la, pat met dlo nan bouch li …