Akèy / Ptra / PTRA VOYE YON MESAJ POU POLISYE YO AVÈK PÈP LA.

PTRA VOYE YON MESAJ POU POLISYE YO AVÈK PÈP LA.

PTRA mande Pèp ansyen an pou mete tèt kole ansanm ak polisye yo ki pran konsyans ke yo sot nan mitan mas Pèp la, ke yo dwe defann, pou kisa?
Revandikasyon polisye yo, se menm ak revandikasyon Pèp Ayisyen an, depi yon bout tan ki pa janm sispann leve kanpe pou denonse pouvwa kriminèl PHTK a.

Se konsa, apre anpil leve kanpe, anpil manifestasyon kote Pèp la tap denonse piyaj, vòl, gagòt, kidnaping ki politik Jeneral pouvwa PHTK a, men lit la pa gen yon vrè direksyon revolisyonè, lit la ap vire anwon. Konsa, manifestasyon polisye yo ki gen menm revandikasyon ak Pèp la, batay polisye yo ki sanble tankou 2 gout dlo ak revandikasyon mas Pèp Ayisyen an ta rejwenn lit la menm sou beton an pou denonse pouvwa fachis PHTK a.

Men fònn di tou batay polisye yo se menm jan ak batay Pèp Ayisyen te ka al pi lwen si te gen yon avangad revolisyonè nan batay la.

Jounen jodi a, li enpòtan pou Pèp la òganize l pou l akonpaye polisye yo nan batay yap mennen kont pouvwa zenglendou PHTK a ke gwo Peyi enperyalis yo ap sipòte, paske se yo ki te enpoze rejim PHTK a nan Peyi Dayiti.

Se pou sa, PTRA mande pou gen bonjan deba ak diskisyon nan mitan Pèp la ak polisye ki mobilize yo pou defini yon pi bon estrateji pou debarase anba ekip zenglendou sa yo ki simaye gang nan 4 kwen Peyi a pou kidnape, disparèt yon pakèt moun nan Peyi a nan objektif pou kraponnen ak fè Pèp la pè nan enterè pouvwa san manman kidnap a.

Pati Travayè Revolisyonè Ayisyen an mande pou Pèp Ayisyen an ki leve kont rejim PHTK a pou chita ak polisye ki konprann enpòtans batay yap mennen jounen jodi a pou defini yon pi bon plan batay pou debarase anba ekip asasen PHTK yo.
Sa dwe fèt touswit, pa kite twòp tan pase, paske lè a rive pou Pèp ak polisye revolisyonè yo pran pouvwa a pou libere Pèp Ayisyen kap soufri twò lontan anba rejim san manman sa a.

Viv yon tèt ansanm militan konsekan ak polisye konsekan pou libere Peyi Dayiti!
Annavan! Annavan!
Annavan Pèp Ayisyen!
Annavan polisye konsekan!

PTRA
Mas 2020

Apwopo Près Travayè

Ou ka gade tou

PTRA KONDANE ZAK GWO PONYÈT POUVWA DEFAKTO A FÈ JOUNEN 18 ME 2020 SOU MILITAN YO KI TAP MANDE REJIM BOUT DI A KITE POUVWA A.

Sekretarya Jeneral Pati Travayè Revolisyonè Ayisyen ( PTRA) denonse sak agresyon fizik ak tantativ asasinay …